...Rusiyaya qarşı Qərbin sanksiyaları Hindistan, Türkiyə və Çindəki neftayırma zavodlarında Rusiya neftini emal etmək üçün boşluq qaldığı müddətcə uğursuz olacaq.
Məhz bu neftayırma zavodları vasitəsilə Kreml Ukraynaya qarşı müharibəni alovlandıran əsas gəlir mənbəyini saxlayır.
SİA-nın məlumatına görə, bu barədə Financial Times yazır.
Neft və qaz Rusiyanın hərbi büdcəsinin təxminən dörddə birini təmin edir.
2024-cü ildə neft gəlirləri 25 faiz artaraq 108 milyard dolları ötüb. Çin, Hindistan və Türkiyə 2023-cü ildən bəri təxminən 380 milyard dollar dəyərində Rusiya nefti alıb və bu, Putinə gündə təxminən 1 milyard dollara başa gələn müharibəni maliyyələşdirməyə imkan verib.
G7-nin bir barel neftin qiymətinin 60 dollardan yuxarı həddi səmərəsiz olduğunu sübut etdi: Rusiya ixracatının 75 faizə qədəri məhdudiyyətlərdən köhnə tankerlər, gəmi şirkətləri və sığorta sxemlərindən ibarət “kölgə donanması” vasitəsilə yan keçir.
Həddinin 47,6 dollara endirilməsindən sonra da Rusiya nefti bu qiymətdən yuxarı satmaqda davam edir. Rusiya neftini emal edən ən böyük neftayırma zavodlarını – Hindistanın Camnaqar və Vadinar komplekslərini, Türkiyənin Star və Tüpraşını və Çinin əsas zavodlarını hədəf almaq lazımdır. ...Qərb onlara seçim verməlidir: ya Rusiya ilə əməkdaşlığı dayandırmalı, ya da Qərbin maliyyə, sığorta və gəmiçilik imkanlarını itirməlidir. Bu, Hindistan və ya Türkiyəni cəzalandırmaq deyil, Rusiyanın gəlirlərinin yuyulmasının qarşısını almaqdır. İkinci dərəcəli sanksiyalar təkcə Moskvaya deyil, qeyri-qanuni ticarətlə məşğul olan banklara və gəmiçilik şirkətlərinə də şamil edilməlidir. Bu cür tədbirlər gücləndirilərsə, Rusiya nefti böyük endirimlərlə satmağa məcbur olacaq - bir barel üçün 20-30 dollar - bu, gəlirini dörddə üç azalda bilər. Bu, Kremli maliyyə oksigenindən məhrum edəcək və müharibənin sonunu tezləşdirəcək.
Bu fikirlər də məqalədə deyilir.
Əli Babayev