Əfqanıstan və Pakistanın təhlükəsizlik qüvvələri arasında sərhəddə döyüşlər baş verib. SİA xəbər verir ki, bu barədə “Əl Ərəbiyyə” telekanalı məlumat yayıb.
Telekanalın məlumatına görə, sərhədyanı ərazilərdə “intensiv toqquşmalar” gedir.
Əfqanıstan Hərbi Hava Qüvvələri Pakistanın Lahor şəhərinə zərbə endirib. Hava zərbəsi Pakistanın Əfqanıstan-Pakistan sərhədi yaxınlığında Taliban mövqelərinə hücumuna cavab olub.
Taliban rəsmiləri əməliyyatın təfərrüatlarını açıqlamayıb.
Qeyd edək ki, Kabil daha əvvəl İslamabadı Əfqanıstan ərazisinə hava zərbələri endirməkdə ittiham edib.