...2022-ci il “seçkiləri”ndə Vladimir Putinin etibarlı adamı kimi çıxış etmiş rusiyalı opera müğənnisi Anna Netrebkonun Rumıniyadakı çıxışı ləğv edilib.
Qeyd edək ki, sənətçi Donbasın qanunsuz işğalını dəstəkləyir. Ukrayna Xarici İşlər Nazirliyinin məlumatına görə, müğənni oktyabrın 6-da Transilvaniya Filarmonik Orkestri ilə çıxış etməli, həmçinin Qeorqe Dima adına Milli Musiqi Akademiyasının fəxri doktoru adını almalı idi.
...Onun çıxışının qarşısını almaq üçün Ukraynanın Rumıniyadakı səfirliyi Milli Musiqi Akademiyasının rektoru, Rumıniya qraflığı və dövlət qurumları (xüsusən Xarici İşlər Nazirliyi və Mədəniyyət Nazirliyi) ilə əlaqə saxlayıb, həmçinin vətəndaş cəmiyyətinin nümayəndələrini işə cəlb edib.
...Netrebkonun çıxışını ləğv etməklə, Rumıniya tərəfi qondarma mədəni və incəsənət tədbirləri vasitəsilə Rusiyanın hibrid təsirinə qarşı mübarizə kontekstində Ukrayna ilə anlaşma və həmrəylik nümayiş etdirdi.
SİA-nın məlumatına görə, bu barədə Rumıniya XİN-i bildirib.
Nazirlik həmçinin qeyd edib ki, ruslar üçün təcrid davam etməlidir.
...Rusiya təcavüzkar və qanlı müharibəsini davam etdirdikcə, hərbçiləri hər gün hərbi cinayətlər törətdikcə, beynəlxalq təcrid davam etməlidir. Mədəniyyətdən təcavüzkarın reputasiyasını ağartmaq üçün alət kimi istifadə edilə bilməz.
Bu da bəyanatda deyilir.
Əli Babayev