Azərbaycanın ev sahibliyi etdiyi III MDB Oyunlarında batut gimnastikası üzrə ilk mükafatçılar müəyyənləşib. SİA xəbər verir ki, qadınların komanda yarışlarında Belarus yığması ümumilikdə 169.350 xal toplayaraq qızıl medala sahib çıxıb.
Rusiya 167.750 xalla gümüş, Türkiyə 157.330 xalla bürünc mükafat qazanıb.
120.860 xal toplayan Azərbaycan komandası isə beşinci olub.
Bu gün, həmçinin final mərhələsində ölkəmizi qadınların fərdi proqramında Selcan Mahsudova, kişilər arasında isə Maqsud Mahsudov, Hüseyn Abbasov və Nicat Mirzəyev təmsil edəcək.