Bu il oktyabrın 9-10-da təşkil olunacaq “CIDC-2025” ("Critical Infrastructure Defence Challange") tədbiri çərçivəsində keçirilən “Ağıllı şəhərlərdə kibermüharibə” yarışının seçim mərhələsi uğurla başa çatıb. Xüsusi Rabitə və İnformasiya Təhlükəsizliyi Dövlət Xidmətindən SİA-ya bildirilib ki, dövlət qurumlarının, bankların, kritik infrastrukturların, provayder və operatorların, eyni zamanda təhsil müəssisələrinin ümumilikdə 47 komandasının qatıldığı "Ağıllı şəhərlərdə Kibermüharibə" yarışının onlayn mərhələsi cari ilin sentyabrın 12-də keçirilib. Komandaların onlayn seçim turunda əldə etdikləri nəticələrinə uyğun olaraq ən yüksək nəticə göstərmiş və final mərhələsinə keçən iştirakçıların sıralaması aşağıdakı kimidir:
1. Dövlət Gömrük Komitəsi - 0 and 1
2. "Kapital Bank" ASC – Bir Sec
3. İnnovasiya və Rəqəmsal İnkişaf Agentliyi – Digital Rangers
4. Azərbaycan Kibertəhlükəsizlik Mərkəzi – Dopamine
5. "Delta Telecom" LTD – NetGhosts
6. "AzInTelecom" MMC – RedBox
7. SOCAR – UEIB
8. Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi (VXSİDA) – k3rnel.exe
9. Daxili İşlər Nazirliyi (KMBİ) – CyberPolice
10. Qaçqınların və Məcburi Köçkünlərin İşləri üzrə Dövlət Komitəsi – Great Return
11. Bakı Ali Neft Məktəbi – BHOSWARE
12. "Caspel" MMC – Caspel Warriors
13. Dövlət Mühafizə Xidməti – Iron Fist
14. "Expressbank" ASC – Xpr3ss1337
15. "Azercell Telecom" MMC – Cybercell
16. Deloitte – Kaktus22
17. ”Azerconnect Group” – CyberConnect
18. Əmək və Əhalinin Sosial Müdafiəsi Nazirliyi - DOST Rəqəmsal İnnovasiyalar Mərkəzi – CyberDOST
19. "Azərbaycan Dəmir Yolları" QSC – Agent.EXE
20. Dövlət Su Ehtiyatları Agentliyi – CyberSee
Builki “kibermüharibə” yarışında ölkə təcrübəsini öyrənmək və yarışda iştirak üçün 5 xarici ölkə komandasının da iştirakı təsdiqlənib:
1. Birləşmiş Ərəb Əmirlikləri
2. Özbəkistan
3. Moldova
4. Qırğızıstan
5. Tacikistan
Final mərhələsində iştirak edəcək 25 komanda öz gücünü oktyabrın 9-10-da fiziki məkanda – Bakı Konqres Mərkəzində “kibermüharibə” şəraitində sınayacaq.