Rusiya prezidenti Vladimir Putinin təyyarəsi Çinin Tiencin şəhərindəki Binhay hava limanına enib. SİA xəbər verir ki, bu barədə TASS məlumat yayıb. Putin dörd gün Çində qalacaq. Rusiya dövlət başçısı Çin Xalq Respublikasının sədri Si Cinpinin dəvəti ilə iki şəhərə - Tiencin və Pekinə səfər edəcək.
Avqustun 31-də axşam Meijiang Beynəlxalq Konqres və Sərgi Mərkəzində Şanxay Əməkdaşlıq Təşkilatının (ŞƏT) sammiti başlayacaq. Sammitdə Rusiya prezidenti də iştirak edəcək. Şanxay Əməkdaşlıq Təşkilatı(ŞƏT) 2001 - ci ildə Çin, Rusiya, Qazaxıstan, Qırğızıstan, Tacikistan və Özbəkistan liderləri tərəfindən Şanxayda yaradılmış beynəlxalq təşkilatdır. Terrorizm, ekstremizm və narkotiklərin qanunsuz dövriyyəsi ilə mübarizə və ticarət-iqtisadi əlaqələrin inkişafı ilə məşğuldur. Hazırda ŞƏT-ə 10 ölkə daxildir: təsisçi dövlətlərdən əlavə, Belarus, Hindistan, İran və Pakistan.