Bu il avqustun 1-nə Azərbaycan banklarının xalis xarici aktivləri 26 milyard 492,9 milyon manat təşkil edib. SİA-nın Azərbaycan Mərkəzi Bankına (AMB) istinadən xəbər verir ki, bu, aylıq müqayisədə 1,4 % çox, ilin əvvəli ilə müqayisədə 0,4 % az, ötən il avqustun 1-nə nisbətən isə 6,5 % çoxdur.
Hesabat tarixinə bankların xalis daxili aktivləri 21 milyard 187,3 milyon manat təşkil edib ki, bu da aylıq müqayisədə 5,2 % az, ilin əvvəli ilə müqayisədə 6,5 % çox, ötən il avqustun 1-nə nisbətən isə 5,75 % çoxdur.
Azərbaycanda ümumi aktivləri 55 milyard 700,1 milyon manat olan 22 bank fəaliyyət göstərir.