ABŞ prezidenti Donald Tramp ötən həftə Ağ Evdə avropalı siyasətçilərlə söhbətində münaqişənin həlli çərçivəsində Ukraynaya Çin sülhməramlılarının yerləşdirilməsini təklif edib. SİA xəbər verir ki, bunun "Financial Times" qəzeti mənbələrə istinadən yazıb. İddiaya görə, Çin sülhməramlıları ilə bağlı fikir Pekini Rusiya hərbi-sənaye kompleksinə kömək etməkdə ittiham edən Avropa ölkələri və Ukrayna arasında dəstək tapmayıb. Tramp administrasiyasının yüksək rütbəli rəsmisi isə Çin sülhməramlılarının Ukraynaya göndərilməsi ilə bağlı müzakirələr barədə xəbərləri yalan adlandırıb.