“Qarabağ” Azərbaycanın futbol tarixində böyük tarix yazmağa davam edir. İkinci dəfə UEFA Çempionlar Liqasının qrup mərhələsinə yüksələn “köhlən atlar” həm də milyonlarla azərbaycanlını sevincə qərq etdilər. Bu, gözəl milli duyğudur. Bu həm də ölmüş futbolumuzun dirçəlməsi üçün ən böyük təsəllimizdir. Lakin və amma.. avropalı hakim qərəzlərindən çəkdiklərimizi xatırlayanda adamı qəzəb bürüyür. “Mədəni qitə” təmsilçilərinin daima qeyri avropalılara qarşı hansı hoqqalardan çıxdıqları gözümüzün qarşısında baş verib.
Həmin avropalı hakimlərin “Qarabağ” və Azərbaycan sözlərini yanaşı görəndə bağrı çatlamırmı? Biz bunu 44 günlük Vətən Muharibəsində və sonrakı gedişatda əyani görmədikmi? Əllərində əlac olsa ilk fürsətdə “Qarabağ”ı Avropaya həsrət qoyarlar. Yadınızdadırmı İtaliya "İnter"nə qarşı Bakıdakı məşhur qarşılaşma. Baş hakim Miroslav Zelinka heç bir səbəb olmadan Riçard Almeydanın son saniyələrdə vurduğu təmiz qolu saymamışdı. Ədalət pozulmasaydı, komandamız elə 10 il əvvəl Avropa Liqasının 1/16 final mərhələsinə yüksələcəkdi.
Yaxud 2021-ci il İsveçrədə başımıza gələnləri xatırlayaq. Konfrans Liqasının son turunda "Bazel"dən alınacaq bir xal "Qarabağ"ın ilk dəfə 1/8 finalda çıxış etməsinə yol açacaqdı. O qarşılaşmada xorvatiyalı Fran Yoviç Abdullah Zubirin zərbəsindən sonra top qapı xəttini bir xeyli keçsə də qolu qeydə almamışdı. Elə milli komandamızın oyunlarında da “ədalət təmsilçilərinin” hansı hoqqalardan çıxdıqlarını dəfələrlə görüb qəzəblənmişik. Yəni hakim qərəzlərindən başımız nələr çəkib, UEFA və FİFA-dakılar bizdən də yaxşı bilirlər.
Elə “Ferensvaroş”a qarşı Bakıdakı həlledici oyunda da fransalı baş hakim Kleman Türpen başqa avropalılar kimi hərəkət etmək istəyirdi. Əslində bir sıra epizodlarda bu istəyinə nail oldu da. Amma həm “Qarabağ” futbolçularının, həm də meydanda olan on minlərlə azərbaycanlı futbol azarkeşinin əzmkarlığı, həmrəyliyi “ədaləti” Makrondan qəti fərqlənməyən bu fransız hakimiun istəyini gözlərində qoydu.
Mətləb