...Bütün Qərb dünyasında hazırda iki milyona yaxın artilleriya mərmisi var. Bu kifayət deyil. Ehtiyatların doldurulması üçün ən azı 10 il vaxt lazımdır.
SİA xəbər verir ki, bu barədə Rheinmetall şirkətinin baş direktoru Armin Papperqer Sky News-a müsahibəsində bildirib.
…Qərb dünyasında hazırda iki milyona yaxın artilleriya mərmisi var, bu kifayət deyil. Bizə daha çox ehtiyac var və bu mərmilərin 50 faizi Rheinmetall-da istehsal olunacaq.
Armin Papperqer bildirib.
İki milyon mərminin nə qədər davam edəcəyi ilə bağlı suala o, Ukrayna prezidenti Vladimir Zelenskinin sözlərini əsas gətirərək cavab verib: Atəşkəs zamanı 2,5 milyon, müharibə zamanı isə 4,5 milyon mərmi lazımdır.
Silah istehsalı konserninin baş direktorunun hesablamalarına görə, ehtiyatların tam doldurulması 10 il çəkəcək. Lakin Avropa daha əvvəl hücuma məruz qalacağı təqdirdə özünü müdafiə edə biləcək.
Qeyd edək ki, Almaniyanın Rheinmetall konserni Avropanın ən böyük silah istehsalçısıdır və 2027-ci ilə qədər ildə 350 min mərmi istehsal etmək istəyir.
155 mm-lik mərmilər Almaniya ordusunun silahlanmasının artırılması və Ukraynanın silahlanmasının artırılması üçün istifadə olunacaq.
Konsern həmçinin Rumıniyada barıt zavodu, Bolqarıstanda iki zavod və Böyük Britaniyada silah lüləsi zavodu tikir.
Bu layihələr Rusiyanın təcavüzünə və Almaniya və onun Avropa müttəfiqlərinin cavab olaraq yenidən silahlanma tələbinə birbaşa cavabdır.
Əli Babayev