...Sentyabrın 1-dən Rusiyada ali tibb təhsili olmayan feldşerlər və orta tibb işçiləri terapevt, pediatr və mama-ginekoloq da daxil olmaqla, müalicəvi həkim kimi fəaliyyət göstərə biləcəklər.
SİA xəbər verir ki, bu barədə RİA Novosti-yə Dövlət Dumasının Səhiyyənin Mühafizəsi Komitəsinin üzvü Tamara Frolova məlumat verib.
Rusiya Səhiyyə Nazirliyinin əmri ilə tətbiq edilən yeni qaydalar yalnız ilkin tibbi yardım və təcili yardım çərçivəsində tətbiq olunacaq.
Frolovanın sözlərinə görə, orta səviyyəli tibb işçiləri müayinələr apara, anamnez toplaya, sadə analizlər apara və dərmanlar təyin edə, ciddi xəstəlikdən şübhələnildikdə isə xəstəni mütəxəssisə göndərə biləcəklər.
Belə səlahiyyətlərin verilməsi barədə qərar tibb müəssisəsinin rəhbəri tərəfindən veriləcək.
Feldşer məntəqələrində, ambulatoriyalarda və poliklinikalarda əvəzlənməyə icazə verilir.
Frolova tibbi xidmətin əlçatanlığına və keyfiyyətinə birbaşa təsir edən dəyişikliklərin səbəbi kimi xüsusilə kənd yerlərində kəskin kadr çatışmazlığını göstərib.
Nazlı Almuradova