Dünyaşöhrətli aktyor Bred Pitt 12 milyon dollara yeni ev alıb. SİA xarici KİV-ə istinadən xəbər verir ki, daşınmaz əmlak maqnatına çevrilən aktyorun yeni aldığı malikanə Hollivudda yerləşir.
Pitt məşhur musiqiçi Deyv Keuninqin evini satış qiymətdən 2 milyon dollar ucuz alıb.
Daşınmaz əmlak imperiyasını günü-gündən genişləndirən aktyorun yeni evində altı yataq otağı və səkkiz vanna otağı var.
1989-cu ildə tikilmiş ev Los Angeles və Sakit Okeanın mənzərələrinə açılır.
Həmçinin malikanə açıq hovuz və geniş bağçaya malikdir.
Qeyd edək ki, 61 yaşlı “Oskar” mükafatlı aktyorun təkcə 2023-cü ildə 72 milyon dollarlıq daşınmaz əmlak sövdələşmələrində iştirak etdiyi bildirilir.
Hazırda onun Ancelina Coli ilə məhkəmə çəkişmələrində olduğu Fransadakı Miraval qəsri 60 milyon dollar dəyərində qiymətləndirilir.