...Litva Prezidenti Gitanas Nauseda İnqa Ruqinienenin baş nazir postuna namizədliyini parlamentə təqdim edib.
SİA xəbər verir ki, bu barədə LRT məlumat yayıb.
Cümə axşamı Litva prezidenti keçmiş hökumət başçısı Gintautas Paluckasın keçmişi və biznesi ilə bağlı artan suallara görə istefası ilə əlaqədar sosial demokratlar tərəfindən təklif edilən İnqa Ruqinienenin Baş nazir vəzifəsinə namizədliyini Seymə təqdim edib.
Parlament daha sonra onun namizədliyini dəstəkləməlidir, bundan sonra Baş nazir öz hökumətinin tərkibini və prezidentlə razılaşdırılmış proqramı 15 gündən gec olmayaraq Seymin təsdiqinə təqdim etməlidir.
Seymin birinci vitse-spikeri Juozas Olekas mediaya bildirib ki, bazar ertəsi, noyabrın 18-də parlament yeni hökumət başçısının təsdiqi üçün növbədənkənar sessiyanın çağırılıb-çağrılmaması barədə qərar verməlidir.
Çərşənbə günü Ruginiene Nausėda ilə ikinci dəfə görüşdü. Onun sözlərinə görə, bu görüşdə konkret nazirliyə namizədlər və ya hökumətdə dəyişikliklər müzakirə olunmayıb.
Əli Babayev