…Modelin təqdimatı bu ilin payızında Münhen avtosalonunda baş tutacaq. Çin bazarında model Exeed Sterra E05 kimi tanınacaq. Avtomobilin elanı gələcək yeni məhsulun interyerinin bir sıra şəkilləri ilə müşayiət olundu.
İnteryerin əsas xüsusiyyəti ön paneldə üç ekran olacaq: kiçik “baxış paneli”, multimedia sisteminin böyük mərkəzi sensor ekranı və ön sərnişin üçün ayrıca displey.
E05 brendin üç ekranlı ilk modeli olacaq (ET və ES krossoverlərinin ön panelində cəmi iki displey var). Bildirilir ki, ön oturacaqlar, demək olar ki, üfüqi şəkildə qatlana bilir, həmçinin fincan tutacaqları, oturacaqlar arasında saxlama qutusu və smartfonun simsiz enerji ilə doldurulması üçün platforma da var.
SİA-nın məlumatına görə, yeni məhsul Horizon Robotics şirkətinin Journey 6P çipində işləyən Horizon Super Driving (HSD) elektron köməkçiləri kompleksi ilə təchiz edilib. Sistemə 12 sensor, kamera və lidar daxildir.
Krossover Exeed TLX platformasında qurulub. Onun ölçüləri 4780/1890/1725 mm, təkər bazası 2800 mm-dir. Texniki xüsusiyyətlər və konfiqurasiyalar haqqında tam məlumat premyeraya yaxın məlum olacaq.
Nazlı Almuradova