...Pəhrizinizə bir sıra bitki məhsulları və bir heyvan məhsulu daxil etmək xolesterol səviyyəsini aşağı salmağa kömək edə bilər.
SİA-nın məlumatına görə, bu barədə Braziliya Universitetinin dietoloqu Joana Lusik “Terra” nəşrinə müsahibəsində bildirib.
Onun sözlərinə görə, qoz-fındıq, avokado, sızma zeytun yağı, çia toxumu, makadamiya, püstə, kətan toxumu və balıq müsbət təsir göstərir.
Bu məhsullar olein turşusu və omeqa-3 də daxil olmaqla sağlam mono doymamış yağlarla zəngindir. Onların tərkibində bağırsaqda xolesterolun udulmasını azaldan pəhriz lifi də var.
Lusik vurğulayıb ki, qızılbalıq omeqa-3 ilə yanaşı, orqanizmi kalium və maqneziumla təmin edir ki, bu da qan təzyiqini normallaşdırmağa, qan dövranını yaxşılaşdırmağa və ürək-damar xəstəlikləri riskini azaltmağa kömək edir.
Həkim xatırladıb ki, xolesterin bütün heyvanların və insanların hüceyrə membranlarının bir hissəsidir.
Bu yağa bənzər maddə hüceyrə funksiyalarının tənzimlənməsində mühüm rol oynayır - onsuz öd turşuları, D vitamini və bəzi hormonlar sintez edilə bilməz.
Mütəxəssis aydınlaşdırıb ki, yüksək xolesterol səviyyəsi təhlükəli hesab olunur - bu patoloji ilə aterosklerozun inkişaf riski artır. Həddindən artıq xolesterin tez-tez pəhrizdə sadə karbohidratların, doymuş və trans yağların çox olması səbəbindən baş verir.
Nazlı Almuradova