Dahi bəstəkar Üzeyir Hacıbəyli yalnız milli musiqimizin banisi deyil, həm də maarifçilik və mətbuat sahəsində əhəmiyyətli xidmətləri ilə seçilən görkəmli şəxsiyyətdir. Onun zəngin yaradıcılığı və mənəvi irsi bu gün də nəsildən-nəslə ötürülür. SİA xəbər verir ki, Bu münasibətlə F.Köçərli adına Respublika Uşaq Kitabxanasının Ölkəşünaslıq və milli ədəbiyyatın təbliği şöbəsi ustad sənətkarın 140 illik yubileyinə həsr olunmuş tövsiyə biblioqrafiyası hazırlayaraq virtual oxucuların istifadəsinə verib.
Biblioqrafik vəsaitdə Üzeyir Hacıbəylinin həyat və yaradıcılığı, görkəmli şəxslərin bəstəkar haqqında fikirləri, həmçinin 24 adda kitab və 26 adda dövri mətbuat materialının tam mətnli təsvirləri yer alıb.
Tövsiyə biblioqrafiyası geniş oxucu auditoriyası, xüsusilə də gənc nəslin istifadəsi üçün nəzərdə tutulub. Əsas məqsəd dahi bəstəkarın zəngin irsini təbliğ etmək, onun çoxşaxəli fəaliyyətini gənc nəslə aşılamaqdır.
Biblioqrafik mənbə ilə aşağıdakı link vasitəsilə tanış ola bilərsiniz: