...2026 Xiaomi YU7 Max elektrik krossoveri real şəraitdə istehsalçının qeyd etdiyi diapazonu təsdiq etmədi. Müstəqil sınaq zamanı avtomobil CLTC dövrü üzrə rəsmi 750 km-ə qarşı cəmi 492 kilometr qət edə bildi.
Sınaq gündəlik Çin şəraitinə mümkün qədər yaxın şəraitdə aparılıb: 84 km uzunluğunda iki zolaqlı avtomobil yolu, havanın temperaturu +30 °C civarında, Komfort rejimi, salonda iki nəfər, sürət təxminən 100 km/saat.
Batareya tamamilə boşaldıqdan sonra son yürüş 492 kilometr oldu. Bu, pasport göstəricilərindən təxminən 35 faiz azdır.
Fərqi başa düşmək üçün Çin CLTC dövrünün özünün daha sərt Avropa WLTC-dən fərqləndiyini və tez-tez 15-25% şişirdilmiş nəticələr göstərdiyini nəzərə almağa dəyər. Bununla belə, Xiaomi YU7 Max-ın pasportu ilə faktiki yürüş məsafəsi arasında fərq xüsusilə nəzərə çarpdı.
Sınaq zamanı orta enerji sərfiyyatı 100 kilometrə 20,2 kVt/saat təşkil edib. 0 faizdən 100 faizə qədər doldurulması 37 dəqiqə, 70 faizə qədəri isə təxminən 14 dəqiqə çəkdi ki, bu da istehsalçının qeyd etdiyi xüsusiyyətlərə uyğundur.
Nazlı Almuradova