İndoneziyanın Qərbi Sumatra bölgəsindəki Marapi dağı yenidən püskürüb. SİA xarici KİV-ə istinadən xəbər verir ki, püskürmələr səbəbindən əraziyə giriş qadağan olub.
Püskürmə səmaya sıx kül buludları göndərib. Səlahiyyətlilər bildiriblər ki, Marapi 3 dekabr 2023-cü ildə baş verən ilk püskürmədən sonra 450-dən çox püskürmə ilə üzləşib. Təhlükəsizlik səbəbi ilə püskürmə mərkəzinə 3 kilometr radiusda giriş və hər hansı fəaliyyət qadağandır.