Ən son buraxılışı zamanı ağır “Anqara-A5” raketi yerin aşağı orbitindəki mövqeyi narahatlıq doğuran qeyri-adi peyk daşıyıb.
SİA-nın xarici qaynaqlardan əldə etdiyi məlumata görə, bu barədə Amerikanın “ArsTechnica” nəşri yazır.
Nəşr qeyd edir ki, “Anqara-A5” raketi ilə buraxılan “Kosmos-2589” kosmik gəmisi qeyri-adi ekvatorial orbitə yaxın orbitdə 20-51 min kilometr yüksəklikdə yerləşir.
Portala görə, Rusiya peyki Yer ətrafında hər 24 saatda bir dövrə edir, yəni o, mahiyyətcə eyni yerdədir və gündə iki dəfə “çox sayda Amerika hökuməti və kommersiya peykləri”nin yanında qısa müddət ərzində görünür.
Nəşr iddia edir ki, “...bu, ən azı, Rusiya rəsmilərinə Amerikanın casus peyklərinin yaxından fotolarını çəkmək imkanı verə bilər”.
Qeyd edək ki, iyun ayında Rusiya Müdafiə Nazirliyi “Anqara-A5” ağır yük daşıyan raketinin Arxangelsk vilayətindəki Plesetsk kosmodromundan kosmik gəmi ilə buraxıldığını bildirmişdi.
Həmin ay analitik və Rusiya kosmik proqramlarının tədqiqatçısı Bart Hendricks-in bloq yazısı Rusiyanın hərbi peyki Kosmos-2558-in iki hissəyə bölündüyünü bildirdi.
Əli Babayev