Bu gün klublarası dünya çempionatında 1/8 final mərhələsi davam edəcək. SİA xəbər verir ki, 1/4 finalın daha iki iştirakçısının adına aydınlıq gələcək.
Əvvəlcə meydana İtaliyanın "İnter" və Braziliyanın "Fluminense" komandaları çıxacaq. Bu görüş saat 23:00-da başlayacaq. Digər qarşılaşma isə gecə keçiriləcək. İngiltərə nəhəngi "Mançester Siti" Səudiyyə Ərəbistanı təmsilçisi "Əl-Hilal"ı sınağa çəkəcək. Bu qarşılaşmanın start fiti 05:00-da veriləcək.
Bu cütlərin qalibləri növbəti mərhələdə bir-birinə rəqib olacaq.
Qeyd edək ki, artıq 1/4 final mərhələsinin 2 cütü müəyyənləşib: "Palmeyras" - "Çelsi", PSJ - "Bayern".
KDÇ-2025, 1/8 final
30 iyun-1 iyul
23:00 İnter - Fluminense
05:00 Mançester Siti - Əl-Hilal