...Volvo XC60 krossoveri şirkətin tarixində İsveç avtomobil istehsalçısının ən çox satılan modeli olub.
Modelin ümumi satışları 2,7 milyon ədədi keçərək, XC60-a əvvəlki rekordçu, ikonik Volvo 240-ı ötməyə imkan verdi... SİA-nın məlumatına görə, bu barədə şirkətin press-relizində deyilir.
2008-ci ildə debütündən bəri XC60 alıcılar arasında geniş populyarlıq qazandı. Əvvəlcə, model yalnız Avropada istehsal edildi, lakin sonra Asiya bazarında satışları dəstəkləyən Çində də yığılan ilk qlobal Volvo modeli oldu.
2018-ci ildə XC60 ilin avtomobili seçildi.
İndiki nəsil XC60 daha geniş auditoriyaya plug-in hibrid texnologiyasını təqdim edən modellərdən biri idi. Keçən il bu model Avropada ən çox satılan plug-in hibrid oldu. XC60 hazırda İsveçin Torslanda və Çinin Çenqdu şəhərindəki zavodlarda istehsal olunur.
Volvo Cars-a görə, bu seriyanın plug-in hibrid modelləri yalnız elektrik enerjisi ilə qət edilən məsafələrin orta hesabla 48 faizini əhatə edir. Əvvəllər şirkətin satış lideri 1974-1993-cü illərdə istehsal edilmiş Volvo 240 universalı idi - bu modelin cəmi 2,69 milyon avtomobili yığılmışdı.
Nazlı Almuradova