Çaylarda müşahidə olunan faktiki vəziyyət açıqlanıb. Bu barədə SİA-ya Milli Hidrometeorologiya Xidmətindən xəbər verilib.
Avtomat hidroloji stansiyaların iyunun 8-i saat 10:00-a olan məlumatına əsasən Böyük Qafqaz ərazisindən axan Əyriçayda 43 sm, Qudiyalçay və Kiçik Qafqaz ərazisindən axan Əsrikçayda 3 sm, Qarabağ və Şərqi-Zəngəzur bölgəsindən axan Bərgüşadçayda 26 sm, Kür çayının aşağı axınında Kür-Zərdabda 5 sm, Kür-Surrada 10 sm, Kür-Bankə və Kür-Şirvanda 8 sm, Kür-Salyanda isə 23 sm artım qeydə alınıb.