Səudiyyə Ərəbistanının “Əl-Nəsr” klubunun hücumçusu Kriştiano Ronaldonun keçmiş mühafizəçisi Hicman Buxari idmançı ilə işləyərkən aldığı maaşın miqdarını açıqlayıb.
SİA-nın məlumatına görə, onun sözlərini Telecinco sitat gətirir.
Buxari futbolçunun ona gündə təxminən 850 funt-sterlinq pul ödədiyini bildirib.
...O, indiyə qədər işlədiyim ən yaxşı patrondur. Bizim yaxşı münasibətlərimiz var idi.
Qeyd edək ki, mayın 15-də Ronaldo Forbes tərəfindən ən çox qazanan idmançı seçilib.
Onun illik gəliri 275 milyon dollar olub.
Portuqaliyalı futbolçu ardıcıl üçüncü dəfə reytinq cədvəlinə başçılıq edir.
Ronaldo 5 dəfə “Qızıl top”un qalibidir.
O, beş Çempionlar Liqası, həmçinin İngiltərə, İspaniya və İtaliyada çempionluq titulları qazanıb.
İdmançı Portuqaliya millisi ilə birlikdə 2016-cı ilin Avropa Çempionu və qitə çempionatının gümüş və bürünc mükafatçısı olub.
Nazlı Almuradova