Almaniya kansleri Fridrix Merz ölkənin silahlı qüvvələrinin gücləndirilməsinə və onun NATO-dakı fəal roluna mərc edir. Bu kursun simvollarından biri Litvada ilk tam zirehli Alman tank briqadasının yerləşdirilməsi idi, onun Almaniyadan kənarda daimi mövcudluğu İkinci Dünya Müharibəsinin sonundan bəri tarixi presedent yaratdı.
SİA bu barədə xarici qaynaqlara istinad edir.
Vilnüsə səfəri zamanı Merz vurğulayıb ki, Almaniya Avropanın təhlükəsizliyinə görə məsuliyyəti öz üzərinə götürür.
...Soyuq müharibə dövründə biz müttəfiqlərimizə arxalana bilərdik – indi orada olmaq növbəmizdir.
Litvanın paytaxtında keçirilən mərasimə yüzlərlə litvalı və 700-ə yaxın alman əsgəri qatılıb.
Müdafiə xərclərinin artırılması yeni hökumət üçün prioritet məsələyə çevrilib.
Almaniya Bundesveri Avropanın ən güclü ordusuna çevirmək məqsədi ilə ordusunu modernləşdirmək üçün külli miqdarda pul xərcləyir.
Müdafiə xərclərinin ÜDM-in 3,5 faizinə çatacağı, digər 1,5 faizinin isə infrastruktura yönələcəyi gözlənilir.
Bu, NATO-nun ənənəvi məqsədlərindən əhəmiyyətli dərəcədə üstündür.
Müdafiə naziri Boris Pistorius islahatları, o cümlədən İsveç modelində qismən hərbi xidmətə çağırış ideyasını irəli sürür. O, Litvada briqadanın yaradılmasına, o cümlədən hərbçi ailələri üçün məktəblərin və infrastrukturun inkişafına şəxsən nəzarət edirdi.
2027-ci ilə qədər Litvada 4800-ə qədər alman əsgəri yerləşdiriləcək. Analitiklər bildirirlər ki, bu, NATO-nun şərq cinahının gücləndirilməsi istiqamətində mühüm addım və Almaniyanın Avropa təhlükəsizliyinin təmin edilməsində daha fəal rol oynamağa hazır olduğuna işarədir.
Əli Babayev