"Bildiyiniz kimi bu il üçün tələbə yerlərinin sayı təqribən 60 min nəzərdə tutulub". Bu sözləri SİA-ya danışan təhsil eksperti Elşən Qafarov deyib.
O bildirib ki, Dövlət İmtahan Mərkəzi tərəfindən mayın 25-də II və III ixtisas qrupları üzrə ali təhsil müəssisələrinə qəbul imtahanları keçirilib: "Ali məktəbə sənəd verənlərin hər il təqribən 120-130 min civarında olduğunu nəzərə alsaq, ümumilikdə hər iki sənəd verən şəxsdən birinin ali məktəbə qəbul olma ehtimalı yaranır.
Müəyyən ixtisaslar var ki, onlara daha çox tələbat var. Xüsusilə də, İKT ilə bağlı ixtisaslar, ənənəvi olaraq tibb, hüquq, hal-hazırda iqtisadiyyatla bağlı olan ixtisaslara tələbat var. Mühəndisliklə bağlı olan ixtisaslara tələbat ola bilər ki, qismən arta bilsin. Düşünürəm ki, ümumilikdə, əvvəlki illərə nisbətən ciddi dəyişiklik, xüsusi artım olmayacaq. İnanıram ki, ayrılmış tələbə yerlərinin hamısı tutulacaq, boş yerlər qalmayacaq".