Müxtəlif ölkələrdən olan ekspertlər xəbərdarlıq edirlər ki, hətta karbon tullantılarının kəskin şəkildə azaldılması qlobal dəniz səviyyəsinin fəlakətli artmasının qarşısını ala bilməz. SİA-nın məlumatına görə, tədqiqat göstərir ki, Qrenlandiya və Antarktidadakı buzlaqlar emissiyaları azaltmaq üçün indiki səylərdən asılı olmayaraq əriməyə davam edir.
Alimlər hesab edirlər ki, karbon qazı tullantılarını azaltmaq üçün hər cür səylərə baxmayaraq, bəşəriyyət dəniz səviyyəsinin 1,4 metrə qədər yüksəlməsinin qaçılmazlığı ilə üzləşəcək.
Bu o deməkdir ki, iqlim dəyişikliyinin tez bir zamanda geri qaytarılması mümkün olmayan uzunmüddətli təsirləri var. Buz təbəqəsinin deqradasiyasının hazırkı sürəti o qədər böyükdür ki, tarazlığı bərpa etmək üçün yüzlərlə, hətta minlərlə il lazım olacaq.
Üstəlik, buz səthinin bərpası yalnız uzun müddətdən sonra baş verə biləcək başqa bir buz dövrünün başlamasını tələb edəcəkdir.
Beləliklə, planet qlobal istiləşmənin sahilyanı ərazilərin kütləvi şəkildə su altında qalması, ekosistemlərin məhv edilməsi və milyonlarla insanın məcburi köçü kimi ciddi nəticələri ilə üzləşib.
Bu tədqiqatlar iqlim dəyişikliyinə uyğunlaşmaq və qarşıdan gələn su böhranı üçün sağ qalma strategiyaları hazırlamaq üçün təcili tədbirlərə ehtiyac olduğunu vurğulayır.
Nazlı Almuradova