Aqra əyalətinin alimləri bibliyanın ən məşhur və sirli əfsanələrindən birinə – Nuhun gəmisinin sirrinə işıq sala biləcək mühüm kəşfə imza atıblar.Arxeoloji tədqiqatlar və qədim abidələrin təhlili zamanı mütəxəssislər nadir artefaktlar və geoloji nümunələr aşkar ediblər.
Bu tapıntılar bölgə ilə bibliya hadisələri arasında tarixi-mədəni əlaqələrin mövcudluğuna dair fərziyyələri təsdiqləyir və elmi araşdırmalar üçün yeni üfüqlər açır.
SİA-nın məlumatına görə, mütəxəssislər bildirirlər ki, tapıntılar arasında qədim daşqına aid ola biləcək qədim ağac nümunələri və qalıqlar var ki, bu da onları tarixçilər, arxeoloqlar üçün əvəzolunmaz məlumat mənbəyi edir.
Əhəmiyyətli cəhət ondan ibarətdir ki, tapılan artefaktlar Aqra bölgəsinin keçmiş dövrlərin genişmiqyaslı təbii fəlakətlərini və əfsanəvi gəminin yerini anlamaq üçün açar ola biləcəyini göstərir.
Alimlər tarixi və geoloji konteksti daha yaxşı başa düşmək üçün tədqiqatlarını davam etdirmək niyyətindədirlər. Nəticələr bəşəriyyətin ən böyük sirlərindən birinin həllində və qədim mənbələrdə bibliya təsvirlərinin təsdiqində mühüm addım ola bilər.
Nazlı Almuradova