Azərbaycanın parapauerliftinqçisi Rəsul Zəkiyevin SİA-ya müsahibəsini təqdim edirik:
- Gürcüstanın paytaxtı Tbilisidə keçirilən Dünya Kubokunda iştirak ediniz. Yarışı necə dəyərləndirərdiniz?
- Yarışı çox yüksək dəyərləndirirəm. Bir gənc idmançı olaraq belə yarışlarda iştirak etmək mənim üçün böyük təcrübədir. Bu cür yarışlarda iştirak etməliyik ki, gələcəkdə daha da yaxşı nəticələr əldə edək.
- Yarışda iki qızıl medal qazandınız. Qələbənizi necə şərh edərdiniz?
- Əlbəttə çox sevincliyəm. 2 qızıl medal qazandım. Bu uğuruma görə həm şəxsi məşqçim, həm də baş məşqçimiz İlqar İbişova təşəkkür edirəm. Bir sözlə qələbə qazanmaq çox möhtəşəm bir hissdir.
- Mübarizə apardığınız zamanı nə kimi çətinliyiniz oldu?
- Yarışda çətinliyim olmadı. Yaxşı hazırlaşmışdım. Çox az həyəcan var idi. Onu da boğmağa çalışırdım ki, yarışda mənə mane olmasın. Şükür Allaha ki, hər şey yaxşı oldu və qələbə qazandım.
- Dünya Kubokuna yollanarkən bu nəticəni qazanacağınıza ümid edirdiniz?
- Çox ciddi hazırlaşırdım. Özümə güvənirdim ki, qələbə qazana bilərəm. Əlbəttə ümid edirdim ki, qalib gələcəm və belə də oldu. Vaxtında əziyyətin çəkmişdim yarışa hazırlaşmışdım və nəticəsi də çox yaxşı oldu.