İspaniyanın “Barselona” komandasının futbolçusu Robert Levandovski Çempionlar Liqasının yarımfinal mərhələsinin "İnter"lə cavab matçında oynaya biləcək.
SİA xəbər verir ki, aprelin 19-da ölkə çempionatında “Selta” ilə keçirilən oyunda sıradan çıxan polşalı hücumçunun zədəsi ciddi deyil. O, Milanda təşkil olunacaq görüşdə komandasına kömək edə biləcək.
İlk matç 3:3 hesablı heç-heçə ilə yekunlaşıb. Cavab qarşılaşması mayın 6-da keçiriləcək.
Qeyd edək ki, bu mövsüm Robert Levandovski Kataloniya təmsilçisinin heyətində 48 oyunda 40 qolla yadda qalıb.