...Məşhur supermodel Rozi Hantinqton-Uaytli və aksiyon ulduzu Ceyson Steytem on bir il Los-Ancelesdə yaşadıqdan sonra Londona qayıtmaq qərarına gəliblər.
SİA-nın məlumatına görə, köçməyə səbəb övladlarına kameraların daimi diqqətindən qorunaraq daha dinc və tənha bir uşaqlıq yaşatmaq istəyi olub.
Rozi bunu The Times-a müsahibəsində paylaşıb.
...Böyük Britaniyaya qayıtmaq bizə yerə daha yaxın qalmağa kömək edir. Burada zəhlətökən diqqətdən qorxmadan təhlükəsiz şəkildə ərzaq mağazasına gedə və ya kofe içə bilərik. Los-Ancelesdə hər dəfə evdən çıxanda bizi bir neçə avtomobil izləyirdi.
Bunu model bildirib.
Supermodel həmçinin vurğulayıb ki, o və Ceyson övladlarını ictimai həyatın mənfi cəhətlərindən qorumağı vacib hesab edirlər.
...Biz onların kameraların daimi iştirakı olmadan normal bir uşaqlıq keçirmələrini istəyirik. İctimaiyyətdə olub-olmamaq qərarı Cek və Bellaya həvalə edilməlidir.
...Rozi gələcəkdə oğlunun onları ictimaiyyətin gözündən kifayət qədər qorumamaqda ittiham edə biləcəyindən narahatlığını ifadə edib.
Qeyd edək ki, cütlüyün iki övladı var: oğlu Cek və qızı İzabella.
...Uzunmüddətli münasibətə baxmayaraq, evlilik məsələsi hələlik prioritet deyil. Rozi qeyd edir ki, Ceysonla iyirmi illik yaş fərqi onun üçün ilham mənbəyidir.
Nazlı Almuradova