Səudiyyə Ərəbistanının “Əl-Əhli” Futbol Klubu tarixdə ilk dəfə Asiya Çempionlar Liqasının qalibi olub. SİA xəbər verir ki, ərəb klubu həlledici görüşdə Yaponiyanın "Kawasaki Frontale" komandasına qalib gəliblər . Ciddədəki "King Abdullah Sports City" stadionunda keçirilən görüş 2:0 hesabı ilə başa çatıb. Hər iki qol birinci hissədə vurulub: 35-ci dəqiqədə braziliyalı müdafiəçi Qaleno, 42-ci dəqiqədə Kot-d-İvuarlı Frank Kessi fərqlənib. Qaleno və Kessie ilə yanaşı, "Əl-Əhli" sıralarında "Çelsi"nin keçmiş qapıçısı Eduard Mendi, "Leicester" və "Mançester Siti"nin keçmiş hücumçusu Riyad Mahrez, "Liverpool"un keçmiş hücumçusu Roberto Firmino və "Brentford" keçmiş oyunçusu İvan Toney yer alır.