Böyük Britaniya Parlamentinin Lordlar Palatasının üzvü Lord David Evans Azərbaycanın Orta Dəhlizdəki logistik və infrastruktur imkanlarının əhəmiyyətini vurğulayıb.
SİA-nın məlumatına görə, o, bu fikirləri AZƏRTAC-a verdiyi xüsusi açıqlamada səsləndirib.
Lord Evans bildirib ki, Azərbaycanın təkmilləşdirilmiş infrastrukturu və mövcud boru kəmərləri regionun strateji nəqliyyat dəhlizi kimi mövqeyini gücləndirir: “Bu amillər tədarük zəncirinin təhlükəsizliyini təmin edir ki, bu da xüsusilə indiki şəraitdə Qərb üçün həyati əhəmiyyət daşıyır”, - deyə o bildirib.