Azərbaycan Mərkəzi Bankı (AMB) bu il və gələn il dünya bazarında neftin 1 barelinin orta qiymətinin 70 ABŞ dollarından çox olacağını gözləyir. SİA xəbər verir ki, bunu AMB-nin sədri Taleh Kazımov rəhbərlik etdiyi qurumun faiz dəhlizinin parametrləri ilə bağlı qərarına həsr olunmuş mətbuat konfransında bildirib.
"İyunda bununla bağlı daha dəqiq proqnoz verəcəyik", - deyə o qeyd edib.
Bundan başqa, baş bankir deyib ki, bu il təbii qazın 1 000 kubmetrinin orta qiymətinin 304 ABŞ dolları olacağı proqnozlaşdırılır.
Xatırladaq ki, AMB-nin bu ilin yanvar ayında açıqladığı proqnozlara görə, 2025-ci ildə neftin 1 barelinin orta qiyməti 77,3 ABŞ dolları, təbii qazın 1 000 kubmetrinin qiyməti isə 349 ABŞ dolları olmalı idi.