Azərbaycanın gənc cüdoçuları İtaliyanın Linyano şəhərində keçiriləcək Avropa Kubokunda iştirak edəcəklər. Cüdo Federasiyasından SİA-ya bildirilib ki, ölkəmiz yarışda 5 çəki dərəcəsində 7 cüdoçu ilə təmsil olunacaq.
Yığmanın heyətində Fəridə Mirzəyeva (48 kiloqram), Xədicə Qədəşova (52 kiloqram), Gülnarə Bayramova, Vüsalə Hacıyeva (hər ikisi 57 kiloqram), Nilgün Rzayeva, Leyla Atayeva (hər ikisi 63 kiloqram), Pərvanə Abdullayeva (70 kiloqram) yer alıb. Cüdoçulara qadınlardan ibarət millinin böyük məşqçisi Saşa Herkenrat-Vimar və gənc qızlardan ibarət yığmanın məşqçisi İmamverdi Məmmədov rəhbərlik edəcək.
29 ölkədən 534 idmançının mübarizə aparacağı Avropa Kuboku aprelin 12-13-də təşkil olunacaq