"Qalatasaray”ın “Fənərbaxça” baş məşqçisi Joze Mourinyo ilə bağlı etdiyi şikayət rədd edilib. SİA xəbər verir ki, bu barədə “Fənərbaxça” klubu məlumat yayıb. Klubun İstanbul Baş Prokurorluğunun qərarına istinadən yaydığı açıqlamada Mourinyoya qarşı irəli sürülən irqçilik ittihamının heç bir hüquqi əsasa dayanmadığı bildirilib. “Qalatasaray” klubu tərəfindən baş məşqçimiz Jose Mourinyo haqqında irqçilik ittihamı ilə edilən şikayət nəticəsində İstanbul Baş Prokurorluğunun verdiyi qərara əsasən, hər hansı bir cinayətin baş vermədiyi və iş üzrə araşdırma aparılmasına ehtiyac olmadığı müəyyən edilib. Qısaca desək, edilən şikayət barədə təqib edilməməsi haqqında qərar verilib”, - deyə klubdan bildirilib.