I Liqada mübarizə aparan “Qəbələ” klubu Misli Premyer Liqasına vəsiqəni təmin edib.
SİA xəbər verir ki, bölgə klubu buna XX turda səfərdə “Baku Sporting”i 5:0 hesabı ilə üstələyərək nail olub.
Cari mövsüm çempionatda uduzmayan “qırmızı-qaralar” bu nəticədən sonra xallarını 52-yə çatdırıb. Bununla da komandanın mövsümü Premyer Liqaya vəsiqə verən ilk 3 yerdən birində başa vuracağı dəqiqləşib.
Qeyd edək ki, “Qəbələ” Premyer Liqanı ötən mövsümün sonunda tərk etmişdi.