Mütəxəssislər süni intellektdən istifadə edərək 10 il ərzində tərkibində mikroplastik olan qidalar yeyən kişi və qadının görüntülərini yaradıblar.
SİA-nın məlumatına görə, nəticələr sadəcə şokdur.
Ortaya çıxan problemlər çəki artımından tutmuş ekzemaya və yorğunluqdan göz altı qaralmasına qədər müxtəlifdir. Birlikdə götürdükdə bu çevrilmələr gələcəyin qaranlıq mənzərəsini yaradır.
Mikroplastiklər dəriyə güclü təsir göstərir - quruluq, qızartı, qıcıqlanma yaradır.
Mikroplastik, ölçüsü 5 mm-ə qədər olan bir plastik parçasıdır. Hər həftə insanlar təxminən 5 qram plastik yeyib içirlər. Mikroplastiklər orqanizmdən xaric edilmir, zəhərlənmə baş verir. Orta hesabla kisələrdən çay içən və kosmetikadan istifadə edən bir insan gündə 300 mikroplastik hissəcik udur.
Mikroplastik hissəciklərin bədənə daxil olmasını minimuma endirmək üçün süzülmüş su içmək və özünüzlə təkrar istifadə edilə bilən butulka aparmaq tövsiyə olunur; yalnız qida üçün plastik qablardan istifadə edin; birdəfəlik plastik qablaşdırma, qab-qacaq və çantaların istifadəsini azaltmaq, onları təkrar emal etmək və s.
Nazlı Almuradova