…Rusiyada, Saratovda 1950-ci ildə buraxılmış Sovet GAZ M-20 “Pobeda” avtomobili satışa çıxarılıb.
SİA-nın məlumatına görə, satıcı nadir avtomobil üçün 2,5 milyon rubl istəyir.
Elanda verilən məlumata görə, avtomobil Molotov adına Dövlət Avtomobil Zavodunun (sonradan Qorki Avtomobil Zavodu adlandırıldı – A.B.) konveyerdən çıxıb və 55 min kilometr yürüş edib.
Təqdim olunan fotoşəkillərə əsasən, “Pobeda” hərtərəfli bərpadan keçib.
Avtomobilin salonu da mükəmməl vəziyyətə gətirilib, mühərriki yenilənib.
Xatırladaq ki, bir vaxtlar GAZ M-20 “Pobeda” Sovet İttifaqında müharibədən sonrakı dirçəlişin və texnoloji tərəqqinin simvolu idi, lakin hər bir sovet vətəndaşı belə bir avtomobil ala bilməzdi.
Onun dəyəri təxminən 16 min rubl idi ki, bu da bütün maaşına qənaət edən ixtisaslı mühəndisin iki ildən çox işinə bərabərdir.
Nazlı Almuradova