…“Microsoft” korporasiyası “Windows 365 Link” əməliyyat sisteminin satışına başlayıb.
SİA-nın məlumatına görə, Windows Central xəbər verir.
Cihazı digər kompakt kompüterlərdən fərqləndirən cəhət ondan ibarətdir ki, onun heç bir əməliyyat sistemi yoxdur - bunun əvəzinə o, sadəcə olaraq Windows 11 ilə işləyən buludda yerləşən virtual maşına girişi təmin edir.
Yalnız bulud vasitəsilə Windows-u işlədə bilən kompüterin müəyyən üstünlükləri var, o cümlədən daha yaxşı təhlükəsizlik və performans, çünki yerli cihaz heç bir məlumat saxlamır və bulud kompüteri istənilən vaxt daha yaxşı prosessor və ya daha çox yaddaşa qədər təkmilləşdirilə bilər.
Cihazın ölçüləri 120×120×30 mm-dir. İçəridə Windows 365 Link, 3,8 GHz-ə qədər tezliyə malik dördnüvəli Intel N250 prosessorundan, 8 GB LPDDR5 operativ yaddaşdan və 64 GB UFS yaddaşından istifadə edir.
O, Wi-Fi 6E və Bluetooth 5.3-ü dəstəkləyir.
Xarici portlar dəstinə bir USB-A 3.2 Gen1, iki USB-A 3.2 Gen2, bir USB-C 3.2, LAN, HDMI 2.0 və DisplayPort 1.4 daxildir.
Cihaz yalnız Microsoft-un kommersiya kanalları vasitəsilə alına bilər və istehlakçıların istifadəsi üçün nəzərdə tutulmayıb.
Windows 365 Linkini ABŞ, Avstraliya, Kanada, Almaniya, Yaponiya, Yeni Zelandiya və Böyük Britaniyada almaq mümkündür.
Cihazın qiyməti 349 dollardır.
Nazlı Almuradova