"İlk növbədə qeyd etmək istəyirəm ki, Prezident İlham Əliyev klassik şairlərimizin və yazıçılarımızın yubileylərini həmişə qeyd edir. Prezident İlham Əliyevin sərəncamı ilə həmin şəxsiyyətlərin yubileyləri respublika üzrə qeyd olunur. Bu Prezidentin yaradıcı adamlara göstərdiyi münasibətin bariz nümunəsidir. O cümlədən incəsənət adamlarına, mədəniyyət xadimlərinə çox yüksək qiymət verir. Necə ki, Ümummilli Lider Heydər Əliyev incəsənət xadimlərinə həmişə yüksək qiymət verirdi, Prezident İlham Əliyevdə onun varisidir. Yəni bu ənənə davam edilir. Həmçinin Seyid Əzim Şirvani mənim çox sevdiyim şairdir. Mən çox sevinirəm ki, onun yubileyini qeyd edəcəklər". Bu sözləri SİA-ya açıqlamasında millət vəkili Aqil Abbas deyib.
Onun sözlərinə görə, Prezident həmişə mədəniyyəti xadimlərinə qayğı göstərib, eləcə də, birinci vitse-prezidenti Mehriban xanım Əliyeva mədəniyyət xadimlərinə xüsusi diqqət yetirib: "Prezident İlham Əliyev mədəniyyət xadimlərini təltiflər edib. Mən yazıçıyam və mənə "şöhrət" orden verib. Daha sonra vətənə xidmət etməklə bağlı 1-ci dərəcəli orden verilib. O cümlədən digər şair yazıçılara və mədəniyyət xadimlərinədə müəyyən fəxri adlar, medallar ilə təltif edib. Yəni bu cür mükafatlar çoxdur.
Həmçinin Prezident İlham Əliyev mədəniyyətə ayrı və xüsusi qayğısı vardır. Hal-hazırda mədəniyyət sahəsində olduqca yüksəliş gedir. Düzdür, bir ara axsamalar oldu. Lakin daha sonra mədəniyyət naziri dəyişdi, artıq bu sahədə inkişaf gedir. Bununla yanaşı kino sahəsində inkişaf oldu, çəkiliş keyfiyyətləri yüksəldi. Həmçinin müxtəlif tədbirlərin keçirilməsində, Şuşada "Xarıbülbül", "Vaqif poeziya günləri", Bakıda müxtəlif mövzuda kinogünlərinin və s. keçirilməsi artıq daha yüksək səviyyəyə çatmasından xəbər verir".