Qadın voleybolçular arasında Azərbaycan Yüksək Liqasında XVIII tura bu gün start veriləcək. SİA-nın məlumatına görə, ilk olaraq iki oyun keçiriləcək.
Saat 16:00-da “Abşeron” - “Milli Aviasiya Akademiyası”, iki saat sonra "Azərreyl" - UNEC matçı baş tutacaq.
Hər iki qarşılaşma Gənclər və İdman Nazirliyinin Voleybol Mərkəzində təşkil ediləcək.
Qeyd edək ki, tura aprelin 5-də keçiriləcək “Gəncə” - “Murov Az Terminal” görüşü ilə yekun vurulacaq.