Səyyar "ASAN xidmət" aprelin 3-28-də Hacıqabulda, Qazaxda, Goranboyda, Xırdalanda, Qusarda, Yardımlıda, Beyləqanda, İsmayıllıda, Zaqatalada vətəndaşlara xidmət göstərəcək. Bu barədə SİA-ya "ASAN xidmət"dən məlumat verilib.
Bildirilib ki, səyyar "ASAN xidmət" avtobusları həftənin bazar ertəsi – cümə günləri saat 10:00-dan 17:00-dək fəaliyyət göstərir. Saat 13:00-dan 14:00-dək isə nahar fasiləsidir.
Xatırladaq ki, səyyar "ASAN xidmət"in həyata keçirilməsinin əsas məqsəd dövlət xidmətlərinin vətəndaşlara daha rahat, yeni və innovativ üsullarla təqdim edilməsi, vətəndaşlar üçün əlçatanlığın təmin edilməsi və vətəndaş məmnunluğuna nail olunmasıdır.