İsrailin martın 18-də döyüşləri bərpa etdiyi vaxtdan Qəzza zolağında təxminən 600 fələstinli həlak olub. SİA xəbər verir ki, bu barədə Qətər mediası məlumat yayıb. Xəbərdə deyilir ki, İsrail ordusu qurudan hücumları və hava zərbələrini gücləndirdiyi üçün ölənlərin sayı artmaqda davam edir. Yenidən bombardmana başlayan israillilər Rəfah və Beyt-Lahia şəhərləri ərazisində qurudan hərbi əməliyyatlara başlayıblar.
Xatırladaq ki, İsrail administrasiyası fələstinliləri ABŞ-ın təkliflərini rədd etməkdə ittiham edib və Qəzza zolağında yenidən aktiv hərbi əməliyyatlara başlayıb. Buna cavab olaraq Fələstin tərəfi münaqişənin genişlənməsinə görə ABŞ və İsraili günahlandırıb.