58 hərrac keçirilib

14 Mart 2025 12:28 (UTC+04:00)

2024-cü ildə Maliyyə Nazirliyinin (dövlət) istiqrazlarının yerləşdirilməsi üzrə 58 hərrac keçirilib. SİA xəbər verir ki, bu barədə Nazirlər Kabinetinin 2024-cü ildə fəaliyyəti haqqında hesabatda bildirilir.

Sənədə əsasən, nəticədə 4 790 milyon manatlıq dövlət istiqrazı "Bakı Fond Birjası" QSC-də yerləşdirilib.

Bundan başqa, hesabat dövründə tədavüldə olan dövlət istiqrazlarının ümumi dəyəri 47 % artaraq 9 milyard 353 milyon manata çatıb.

Ötən il 1, 2 , 3 və 5 illik dövlət istiqrazları emissiya edilib.