Bir dövrə damğasını vuran “İncir reçeli” filminin 3-cü hissəsi çəkiləcək. SİA “NTV Türkiyə”yə istinadən xəbər verir ki, filmin baş rolunu – “Metin”I bu dəfə də müğənni Halil Sezai Paracıkoğlu canlandıracaq. Layihənin çəkilişlərinə gələn ay start veriləcək.
Qeyd edək ki, 2010-cu ildə ilk dəfə yayımlanan filmdə Halil Sezai “İsyan” mahnısı ilə populyarlıq qazanmışdı. Sezai “İncir reçeli 1”də aktrisa Melike Güner, “İncir reçeli 2”də (2014) isə Şafak Pekdemirlə baş rollara çəkilib.