Bu il Bakıda keçiriləcək minifutbol üzrə dünya çempionatının püşkatma mərasiminin vaxtı açıqlanıb. Minifutbol Federasiyasından SİA-ya verilən məlumata görə, tədbir martın 12-də Azərbaycan paytaxtında təşkil olunacaq.
Püşkatma mərasimindən əvvəl komandaların yer alacağı səbətlər müəyyənləşib. Dünya çempionatında iştirak edən 32 komanda dörd səbətə bölünüb. Mundialın əsas favoritlərindən sayılan Azərbaycan millisi 1-ci səbətə düşüb.
Qeyd edək ki, püşkatma mərasiminin məkanı və başlama saatı daha sonra açıqlanacaq.