...Polşada, Qdanskdakı Milli Muzeydən yoxa çıxan “Kömür daşıyan qadın” tablosu Hollandiyada tapılıb. Onun yoxluğu 1974-cü ildə aşkar edilmişdi.
SİA-nın məlumatına görə, Flamand-Hollandiyalı usta Pieter Breyqel-in əsəri geri qaytarıla bilməyəcək şəkildə itmiş hesab edilirdi.
Rəsmi keçən il Hollandiyada keçirilən sərgidə görən Hollandiyanın “Vind” incəsənət jurnalının jurnalistləri aşkar ediblər.
Şəxsi kolleksiyadan Qouda Muzeyinə verilmiş və "son 40 ildə görünməyən bir rəsm" kimi reklam edilmişdir.
Hollandiya polisi sonda hazırda Hollandiya muzeyində saxlanılan tablonu ələ keçirə bilib.
...Biz 100 faiz əminik ki, bu, 1974-cü ildə Qdansk Milli Muzeyindən yoxa çıxan eyni rəsmdir.
Bunu İncəsənət Cinayətləri Bölməsindən Riçard Bronsveyk bildirib.
Rəsmdə bir əlində kömür parlayan maşa, digər əlində su qazanı tutan kəndli qadın təsvir edilmişdir. Rəsm qədim holland atalar sözünə alleqorik istinaddır.
...Bir əlində su, o biri əlində od daşıyan adama heç vaxt etibar etmə,..riyakarlığa qarşı xəbərdarlıq edir.
Rəsmin dəqiq dəyəri məlum deyil, lakin Gənc Breyqelin əsərləri milyonlarla dollarla qiymətləndirilir. Hollandiya polisi rəsmin Hollandiyada şəxsi kolleksiyaya necə düşdüyünü araşdırır. Polşa səlahiyyətliləri tapıntı barədə məlumatlandırılıb və əsəri geri qaytarmaq üçün qanuni vasitələr axtarmaq niyyətindədirlər.
Nazlı Almuradova