...Rusiya Ukrayna Silahlı Qüvvələrinin güclü müqaviməti səbəbindən Ukraynaya qarşı müharibədə ilkin planlarını həyata keçirə bilmədi. Kiyevin alınmaması, Mariupolun müdafiəsi və işğal olunmuş ərazilərin azad edilməsi düşmənin strategiyasını pozdu.
SİA-nın məlumatına görə, bunu RBC-Ukraynaya müsahibəsində Müdafiə Nazirliyinin Baş Kəşfiyyat İdarəsinin rəis müavini general-mayor Vadim Skibitski deyib.
O, qeyd edir ki, əsas amillərdən biri Kiyevin işğalın ilk günlərində alınmasının uğursuzluğu olub. Rus qoşunları paytaxtı üç günə almağı planlaşdırırdı, lakin bu plan tamamilə iflasa uğradı.
İkinci mühüm məqam Mariupolun qəhrəmancasına müqaviməti oldu. Bu şəhər Ukraynanın cənub ərazilərinin dərinliklərinə doğru irəliləməli və Xarkova doğru irəliləyən qoşunlarla birləşməli olan böyük bir düşmən dəstəsini saxladı. Bu ssenari Ukrayna qüvvələrinin Birləşmiş Qüvvələr Əməliyyatı zonasında tam mühasirəyə alınmasını nəzərdə tuturdu, lakin Mariupolun müdafiəsi sayəsində bu planın həyata keçirilməsi mümkünsüz oldu.
Skibitskinin sözlərinə görə, üçüncü mərhələ müharibənin ilk günlərində ələ keçirilən ərazilərin azad edilməsi olub. Ukrayna Silahlı Qüvvələrinin Xarkov vilayətində əks-hücum keçirməsi və Xersonun azad edilməsi cəbhədəki vəziyyəti tamamilə dəyişdi və Rusiyanın Ukraynanın dərinliklərinə doğru irəliləmək üçün gələcək planlarının qarşısını aldı.
Daimi uğursuzluqlara və döyüş tapşırıqlarını yerinə yetirməkdə gecikmələrə baxmayaraq, Kreml müharibədən əl çəkmir.
Skibitskinin fikrincə, Rusiya liderı Vladimir Putinin “xüsusi hərbi əməliyyat” adlandırdığı üçün nəticələr lazımdır. Əsas məqsəd Luqansk və Donetsk vilayətlərinin inzibati sərhədləri daxilində nəzarətin yaradılmasıdır.
...Bütün Luqansk vilayəti işğal olunmayıb və Rusiya Federasiyasının həyata keçirdiyi hücum hərəkətlərinin tempini nəzərə alsaq, onların Donetsk vilayətində öz tapşırıqlarını yaxın gələcəkdə başa çatdıra bilməyəcəklər.
Bunu da Ukrayna Müdafiə Nazirliyinin Baş Kəşfiyyat İdarəsinin rəis müavini, general-mayor Vadim Skibitski deyib.
Əli Babayev