...Vladimir Jirinovskinin bir neçə il əvvəl çəkilmiş videosu internetdə yayılıb. Siyasətçi proqnozlaşdırır ki, “hər şeyi Tramp və Putin, Putin və Tramp həll edəcək”.
SİA-nın məlumatına görə, video LDPR TV tərəfindən lentə alınıb, nəşr ili bəlli deyil.
Jirinovski kabinetində təkdir və kamera qarşısında ABŞ və Rusiya arasındakı münasibətlərdən danışır. O deyir ki, Amerika sakit bir sığınacaq olsun və bütün pullar ora axacaq, lakin onun qaynar fazaya – ABŞ və Rusiya arasında nüvə müharibəsinə çatmasına imkan vermək olmaz.
Əgər ABŞ-ın bütün ştatları nüvə külünün içində yatsa və Rusiyanın yarısı bu nüvə cəhənnəmində yansa, kim qalib gələcək? Almanlar, Çinlilər, Yaponlar? Siyasətçi deyir ki, bu, bizə nə üçün lazımdır?
Onun sözlərinə görə, əgər Tramp və Putin qalib gəlsələr, o zaman “hər şey ucuzlaşacaq” və amerikalılar xoşbəxt olacaq”. Rusiya nə ABŞ-ın, nə də ordusunun iqtisadi gücünə müdaxilə etməyəcək.
Jirinovski qeyd edib ki, “biz ikimiz arasında razılığa gəlməliyik”. “Mən sizə təklif edirəm, mən Rusiyadan, Moskvadan olan bir rus, Trampa deyirəm: “Gəlin hər şeyi birlikdə edək”. Hər şeyi Tramp və Putin həll edəcək. Putin və Tramp. Və hər şey daha sakit olacaq, - deyə Jirinovski yekunlaşdırıb.
…Bundan əvvəl dünya mətbuatı ABŞ və Rusiya arasında danışıqların başlamasını “tektonik sürüşmə” adlandırmışdı.
Əli Babayev