...Siqaret çəkmək ağciyər xərçəngi və ürək xəstəliklərinə səbəb olmaqla bütün dünyada əsas ölümə yol açanlardan biri olaraq qalır.
Ümumdünya Səhiyyə Təşkilatının məlumatına görə, planetdə insanların 22 faizdən çoxu siqaret çəkir və bu vərdiş hər il 8 milyondan çox insanın həyatına son qoyur.
Cənubi Koreyalı alimlər tütün asılılığının müalicəsi üçün yeni yanaşma təklif ediblər. Tədqiqat Parkinson xəstəliyinin müalicəsində istifadə edilən prosiklidin dərmanının titrəmə və hərəkətliliyin azalması da daxil olmaqla nikotinin çıxarılmasının fiziki simptomlarını yüngülləşdirə biləcəyini müəyyən edib.
Bu barədə Koreya Elm və Texnologiya İnstitutunun Beyin Xəstəlikləri Mərkəzindən Hye İn İm məlumat verib.
Kəşf hazırda siqaretdən asılılığın müalicəsində istifadə edilən bupropion və vareniklin kimi dərmanlara alternativ ola bilər. Nikotin beyindəki asetilkolin reseptorlarına təsir edir və xolinergik interneyronların bastırılması dopamin səviyyəsini bərpa edə bilər.
"Xoşbəxtlik hormonu" kimi tanınan bu nörotransmitter məmnunluq hisslərini təşviq edir və onun çatışmazlığı siqareti buraxmağa çalışanlarda siqaret istəklərinə səbəb ola bilər. Verilən xəbərə görə, dofamin səviyyəsinin bərpası çəkilmə simptomlarını əhəmiyyətli dərəcədə yüngülləşdirə bilər
Nazlı Almuradova